Is féidir leat do stádas cláraithe a sheiceáil, mar aon leis na sonraí go léir atá ag an gComhairle fút, trí úsáid a bhaint as an saoráid Múinteoir Cláraithe – logáil isteach  

 

Is gá. Beidh ort d’uimhir chláraithe agus pasfhocal a bheith agat chun úsáid a bhaint as an saoráid Múinteoir Cláraithe – logáil isteach. Muna bhfuil do phasfhocal agat is féidir leat ceann nua a chruthú trí úsáid a bhaint as comhcheangal de d’uimhir chláraithe, d’uimhir PPS, agus do dháta breithe. Ní mór 7 gcarachtar nó níos mó a bheith sna pasfhocail, carachtair alpha mar aon le huimhreacha m.sh. Seoirse27.

Má tá do phasfhocal dearmadta agat seo mar is féidir leat ceann nua a chruthú:

• gliogáil ar Múinteoir Cláraithe logáil isteach
• scrollaigh go deireadh an leathanaigh agus gliogáil ar Cruthaigh Pasfhocal Nua
• líon isteach na cúig réimsí seo a leanas:

  (a)  Uimhir Chláraithe - Seo í d’uimhir Chláraithe uathúil ón gComhairle Mhúinteoireachta a bhíonn clóbhuailte de ghnáth ar aon chomhfhreagras a fhaigheann tú uainn.
  (b)  Uimhir PPS – Seo í do “Uimhir Phearsanta Seirbhíse Poiblí” a raibh uimhir Ioncaim agus Árachas Sóisialta (RSI) mar theideal cheana uirthi.
  (c)  Dáta Breithe– glactar le hiliomad formáid ar a n-áirítear ll/mm/bb, llmmbb, ll/mm/bbbb, agus llmmbbbb.
  (d)  Pasfhocal Nua - deimhnigh le do thoil go mbíonn litreacha agus uimhreacha i do phasfhocal, agus go mbíonn ar a laghad seacht gcarachtar ann m.sh. Elisabeth25 . Tá cásíogair ag baint le do phasfhocal freisin.
  (e)  Deimhnigh le do thoil do phasfhocal nua trí é a chur isteach anseo díreach mar atá san iontráil ag (d) thuas.

• Gliogáil ar Cuir Isteach. Má éiríonn le d’iarratas déanfar tú a aistriú go leathanach nua, léireofar do phasfhocal agus tabharfar an rogha duit leanúint ar aghaidh.

Muna mbíonn na sonraí a thugann tú ar aon dul leo siúd atá ar an gClár, diúltófar do d’iarratas ar bhonn slándala. Seiceáil go mbíonn na sonraí cearta curtha isteach agat i ngach bosca. Seiceáil freisin nach mbíonn aon spás fágtha agat i d’uimhir PPS agus bain úsáid as cinnlitreacha don litir/ do na litreacha ag deireadh na huimhreach. Muna n-oibríonn sé go fóill, déan teagmháil linn ag helpdesk@teachingcouncil.ie, agus cuir ar fáil d’uimhir chláraithe mar aon leis na sonraí ón teachtaireacht earráide a bhíonn faighte agat.

Mar mhalairt is féidir leat athnuachan a dhéanamh ar líne. Chun é seo a dhéanamh beidh gá agat le d’uimhir chláraithe agus do phasfhocal. Má tharlaíonn nach mbíonn do phasfhocal agat is féidir ceann nua a chruthú ón saoráid ar líne trí úsáid a bhaint as d’uimhir chláraithe agus raon sonraí pearsanta eile. (féach eolas breise faoi seo i gceist 2).

Má theastaíonn foirm athnuachana uait fós, cuir iarratas ar ríomhphost chuig athnuachana@oide.ie agus cuirfear ceann nua chugat (mar chuid d’eisiúint seachtainiúl poist) Bíodh d’uimhir chláraithe agus do sheoladh iomlán poist sa ríomhphost le do thoil.

Is féidir táillí athnuachana clárúcháin a íoc ar aon cheann de na bealaí íocaíochta seo:

• Seic, ordú poist nó dréacht bainc
  Ba chóir iad seo a bheith iníoctha leis An Chomhairle Mhúinteoireachta nó The Teaching Council. 
• Íocaíocht ar Chárta Creidmheasa/Léasair
  Ba chóir do mhúinteoirí cláraithe ar mian leo an táille athnuachana clarúcháin a íoc le cárta Visa/Mastercard/Léasair an modh íocaíochta seo a roghnú ar an bhFoirm Athnuachana Clárúcháin. É sin nó is féidir leo athnuachan ar líne a dhéanamh.
  

Gliogáil anseo le do thoil chun d’athnuachan ar líne a dhéanamh: Logáil isteach do Mhúinteoir Cláraithe

Ba chóir aon cheist maidir le hathnuachana ar líne a chur chuig an fhoireann tacaíocht teicniúla ag teic@oide.ie. Nuair a bhíonn an ríomhphost á chur tabhair, le do thoil, d’uimhir chláraithe agus gach eolas is féidir leat maidir leis na deacrachtaí teicniúla atá tagtha chun cinn.

Muna ndéanann tú an clárúchan a athanuachan ní bheifear ábalta do chlárúchán  leis an gComhairle Mhúinteoireachta a chothabháil agus bainfear d’ainm den Chlár mar atá dlite in Alt 34 den Acht um Chomhairle Mhúinteoireachta, 2001.

Is do mhúinteoirí nach bhfuil ag múineadh agus nach bhfuil sé i gceist acu dul ar ais ag múineadh san am atá le teacht, ar nó múinteoirí atá imithe ar scor, nó a d’éirigh as, agus dóibh siúd amháin, an fhoirm ghorm seo. Tugann an fhoirm seo deis do dhaoine iarratas a chur isteach chun a n-ainmneacha a bhaint den Chlár. Má tá tusa ag teagasc faoi láthair, nó más mbíonn leat go n-áireofaí tú d’fhostaíocht mar mhúinteoir, moltar duit do chlarúchán leis an gComhairle Mhúinteoireachta a chothabháil.

Tá gá leis an táille chun maoiniú a dhéanamh ar an gComhairle chun an obair a chur i gcrích. Is é an gnáthnós le comhlachtaí gairmiúla go ndéanann baill na gairme maoiniú ar an gcomhairle lena mbaineann siad. Mar shampla, is dochtúirí a mhaoiníonn Comhairle na nDochtúirí Leighis, is banaltraí a mhaoiníonn An Bord Altranais srl. Maidir leis an gComhairle Mhúinteoireachta, cuireann an táille buntaca le stádas na Comhairle mar chomhlacht rialála uathrialach.

Bíonn dlithiúil an phríomhchúis go n-éilítear ar mhúinteoirí a gclárúchán a athnuachan go bliantúil. Sonraítear san Acht um Chomhairle Mhúinteoireachta Act, 2001 go gcaithfear an clárúchán a athnuachan go bliantúil ionas go ndéanfar é a chothabháil.  Ní féidir leis an gComhairle bunbharúlacha a dhéanamh maidir le intinn mhúinteora an t-athnuachan a dhéanamh. Cleachtas caighdeánach é an t-athnuachan ar chlárúchán ag comhlachtaí gairmiúla cosúil le Comhairle na nDochtúirí Leighis , An Bord Altranais, srl.
 
Cúis eile ná go dtugann an fhoirm ar athnuachan bliantúil deis do mhúinteoirí a sonraí a uasdhátú. Tá sé tábhachtach go ndéanfadh múinteoirí na sonraí eolais a bhaineann leo a uasdhátú toisc go n-athraíonn a n-imthosca, ionas gur féidir leis an gclár leanúint ag feidhmiú mar stór luachmhar eolais do ghairm na múinteoireachta in Éirinn.
 
Nuair a theipeann ar mhúinteoirí a gclárúchán a athnuachan, baintear a n-ainmneacha den Chlár. Más mian le múinteoir athchárú a dhéanamh ina dhiaidh sin beidh air/uirthi dul trí phróiseas iomlán iarratais, ar a n-áirítear tras-scríbhinní (de réir mar is cuí) a sholáthar mar aon le próiseas seiceála an Gharda Síochána.
 
Baintear úsáid as an táille athnuachana clárúcháin chun maoiniú a dhéanamh ar obair leanúnach na Comhairle Múinteoireachta agus í i mbun a dualgas reachtúla uile a chomhlíonadh.

Socraíodh ar an táille €90 bunaithe ar mheastúcháin caiteachais*. Tá an táille céanna coimeádta ag an gComhairle ó 2008 agus tá sé seo níos lú ná an meán nuair a cuirtear i gcomparáid é leis na táillí atá á ghearradh ag eagraíochtaí gairmiúla eile in Éirinn. Ina theannta sin is féidir an táille a chur mar chostas oibre i leith cánach agus dá reir sin is gaire don €53 an táille dóibh siúd a bhfuil an ráta ard canach á íoc acu.

Níl aon tionchar ag na hathruithe ar chreidiúintí cánach a d’fhógair an tAire Airgeadais i mbuiséad 2011 ar an bhfaoiseamh cánach ar tháille athnuachana bliantúil na Comhairle Múinteoireachta. Leantar leis dá réir sin. Cuirtear an faoiseamh cánach leis an mbunráta liuntás costas a ceadaítear don mhúinteoir agus is ionann, dá réir, gur cosúla €53 sa bhliain an costas dóibh siúd a mbíonn an ráta ard cánach á íoc acu.

I 2009, rinne na Coimisinéirí Ioncaim na creidmheasa cánach a ardú go huathúil i mí na Nollag do gach múinteoir a raibh an t-athnuachan curtha i bhfeidhm acu leis an gComhairle Mhúinteoireachta faoi 30 Meán Fómhair 2009. Ciallaíonn sé seo, go praiticiúl, gur ardaíodh creidmheas cánach gach múinteora faoi €90, rud a ba chóir a bheith le feiscint sa dúillín pá i mí na Nollag.  Do mhúinteoirí a mbíonn an ráta ard cánach á íoc acu, is é an sochar glan a bhíonn ar fáil ná €36.90. Tá sé tugtha le fios ag na Coimisinéirí Ioncaim don Chomhairle go bhfuil an creidmheas cánach seo tugtha ar aghaidh go huathúil go 2010 do na múinteoirí sin. Ní mór do mhúinteoirí a rinne an clárúchán a athnuachan i ndiaidh 1 Deireadh Fómhair 2009 teagmháil a dhéanamh lena n-oifig cánach áitiúil chun éileamh a dhéanamh ar an laghdú cánach.
 
Ba chóir aon cheisteanna faoin gcreidmheas cánach a chur chuig an oifig cánach áitiúil (www.revenue.ie). Tá sé curtha in iúl ag na Coimisinéirí Ioncaim do na hoifigí áitiúla cánach go bhfuil múinteoirí i dteideal an chreidmheasa seo.

Faoi láthair, tá aon táille amháin athnuachana ann agus ní cheadaíonn struchtúr táille na Comhairle táille laghdaithe a chur i bhfeidhm. Is é an fáth gur mar seo atá ná go soláthraíonn an clárúchán ceadúnas don mhúinteoireacht, is cuma cén mhinicíocht a bhíonn i gceist leis an teagasc.

Faoi láthair ní cheadaíonn struchtúr táille na Comhairle go ndéanfaí táille laghdaithe a chur i bhfeidhm. Tar éis thosach feidhme Ailt 30 d’Acht na Comhairle Múinteoireachta, 2001, beidh ar mhúinteoirí a bhíonn ar scor a bheith cláraithe más mian leo aon obair ionadaíochtaí nó obair shealadach a dhéanamh.

Baintear leas as an táille a thagann ó mhúinteoirí chun maoiniú a dhéanamh ar obair na Comhairle agus í ag cur i bhfeidhm na ndualgas reachtúla a bhaineann léi. Tá ráitis iniúchta airgeadais na Comhairle do na blianta dar críoch 31 Nollaig 2006, 31 Nollaig 2007 agus 31 Nollaig 2008 ar fáil anseo

Tá sé deimhnithe ag an Aire Oideachais agus Scileanna go bhfuil sé i gceist aige an clárúchán leis an gComhairle Mhúinteoireachta a bheith mar riachtanas ón scoilbhliain 2012/2013 trí thus feidhme a thabhairt d’Alt 30 den Acht um Chomhairle Mhúinteoireachta, 2001.

Tá an Bille Oideachais (Leas) 2012 faoi bhráid an Oireachtais faoi láthair. Nuair a bhíonn sé curtha i bhfeidhm, ceadóidh sé don Aire Oideachais agus Scileanna, Ruairí Quinn T.D., tús a chur le hAlt 30 den Acht um Chomhairle Mhúinteoireachta 2001.

ÉIlíonn Alt 30 go mbeadh duine a bhíonn fostaithe mar mhúinteoir i scoil aitheanta cláraithe ionas gur féidir iad a íoc ó chistí an Stáit. Tá sé riachtanach, dá réir sin, go mbeadh gach múinteoir a bhíonn ag teagasc i scoil aitheanta cláraithe chun comhlíonadh le hAlt 30 a dheimhniú.

A luaithe a bhíonn tús curtha leis, cruthóidh Alt 30 an bealach chun cinn do thús feidhme na gcodanna sin den Acht um Chomhairle Mhúinteoireachta atá fós le cur i bhfeidhm, iad siúd a bhaineann le forbairt ghairmiúil mhúinteoirí agus le feidhmeanna imscrúdaitheachta agus araíochta na Comhairle san áireamh.

Lena dheimhniú go mbíonn múinteoirí cláraithe in am don scoilbhliain 2012/2013, moltar dóibh foirm iarratais comhlánaithe a chur isteach chuig an gComhairle Mhúinteoireachta roimh 31 Bealtaine 2012 chun dóthain ama a chur ar fáil do phróiseáil na n-iarratas (Seiceáil an Gharda Síochána san áireamh) roimh thus na scoilbhliana 2012/2013.

Tuilleadh Eolais

Ceisteanna Coitianta

 

Beidh póstaer eolais á chur go príomhoidí, go húdaráis bhainistíochta scoileanna agus go páirtnéirí an oideachais inniu. Tá an póstaer seo mar chuid d’fheachtas níos leithne atá á chur i bhfeidhm ag an gComhairle Mhúinteoireachta agus ag an Roinn Oideachais agus Scileanna chun feasacht a ardú i measc múinteoirí agus scoileanna ar an ngá atá ann do mhúinteoirí a bheith cláraithe.

Postaer Eolais
 

Má tá fostaíocht mar mhúinteoir á lorg agat faoi láthair moltar duit leanúint le do chlárúchán chun go mbeidh ar do chumas glacadh go héasca le fostaíocht má ofráiltear post duit. Má ligeann tú do do chlarúchán dul i léig, agus más mian leat cur isteach ar chlárúchán ag am eile, beidh ort iarratas a dhéanamh de réir Alt 31(5) d’Acht na Comhairle Múinteoireachta, 2001 agus Rialúcháin [Clárúchán] na Comhairle Múinteoireachta 2009.   Chuige seo beidh gá le hathscríbhinní agus le doiciméid eile mar aon le próiseas réamhsheiceála an Gharda Síochána, agus d’fhéadfadh gur tréimhse ceithre mhí a bheadh i gceist leis an bpróiseas seo.

Moltar duit leanúint le do chlárúchán chun comhlíonadh a dhéanamh ar Imlitir 0010/2011 na Roinne Oideachais agus Scileanna ar Scéim Bhriseadh Gairme do Mhúinteoirí Cláraithe i mBunscoileanna agus in Iar-Bhunscoileanna Aitheanta. Má thoilíonn tú ligint do do chlárúchán dul i léig ag aon staid agus más mian leat ina dhiaidh sin filleadh ar an gClár beidh ort iarratas a chur faoi bhráid na Comhairle don chlárúchán, de réir Alt 31(5) denAcht um Chomhairle Mhúinteoireachta, 2001 agus Rialacháin [Clárúchán] 2009, ar a laghad ceithre mhí sular mian leat filleadh ar an gClár. Ag an bpointe sin, bheadh ort dul tríd an ar a n-áirítear trascríbhinní a sholáthar agus dul trí phróiseas seiceála an Gharda Síochána.

Más mian leat a bheith san áireamh d’fhostaíocht múinteoireachta mar ionadaí nó mar mhúinteoir sealadach moltar duit leanúint le do chlárúchán.   Nuair a thagann tosach feidhme ar Alt 30 den Acht um Chomhairle Mhúinteoireachta, 2001, beidh ar mhúinteoirí a bhíonn éirithe as a bheith cláraithe más mian leo teagasc.

Éilíonn an Chomhairle bundoiciméadúchán (m.sh. trascribhinní ar thorthaí coláiste/ollscoile) muna mbíonn na doiciméid curtha ar fáil cheana don Chomhairle. Baineann a leithéid le beagnach gach múinteoir a bhí ag teagasc roimh 28 Márta 2006 agus a cláraíodh faoi Ailt 31(2) agus (3) den Acht um Chomhairle Mhúinteoireachta, 2001. D’fhéadfadh go mbainfeadh a leithéid de riachtanas freisin le múinteoirí a chláraigh faoi alt 31(5).