Má bhíonn múinteoir cláraithe go coinníollach leis an gComhairle Mhúinteoireachta, eiseofar teastas chuige/chuici go luath tar éis na coinníollacha a bheith bainte den chlárúchán.

Scríobh an Chomhairle go dtí gach múinteoir cláraithe i 2009 ag cur deis ar fáil dóibh chun an t-ainm faoina raibh siad cláraithe a cheartú. Tá na leasuithe go léir a éilíodh curtha i bhfeidhm ag an gComhairle. Má tharlaíonn go leanann earráid in ainm an mhúinteora caithfidh sé/sí teagmháil a dhéanamh leis an gComhairle ar an nguthán, ar ríomhphost nó i litir chun an litriú ceart ar a (h)ainm a chur ar fáil.

Má shíleann an múinteoir go bhfuil botún maidir leis an rannóg oideachais lena mbaineann a gcáilíochtaí, is féidir leo freisin teagmháil a dhéanamh leis an gComhairle. D’fhéadfadh an Chomhairle iarradh ar an múinteoir sonraí maidir lena gcáilíochtaí a chur ar fáil (m.sh. buntrascríbhinní a gcáilíochtaí).

Is féidir Foirmeacha chun Sonraí a Athrú a fháil ó láithreán gréasáin na Comhairle trí ghliogáil anseo.

Sections 31(2) and (3) of The Teaching Council Act, 2001 are as follows:
31. — (1) Faoi réir fho-ailt (2) agus (3) , féadfaidh duine iarratas a dhéanamh chuig an gComhairle ar chlárú.

(2) Maidir le duine —

(a) a bheidh fostaithe, roimh an lá bunaithe, mar mhúinteoir i scoil aitheanta agus a bhfuil a luach saothair i leith na fostaíochta sin á íoc as airgead a sholáthraíonn an tOireachtas, nó

(b) i gcás nach mbeidh sé nó sí fostaithe amhlaidh roimh an lá bunaithe, a bheidh i dteideal a bheith fostaithe amhlaidh, measfar é nó í a bheith cláraithe ar feadh tréimhse 12 mhí ón lá bunaithe.

(3) (a) Déanfaidh duine dá dtagraítear i bhfo-alt (2) iarratas chuig an gComhairle ar chlárú laistigh den tréimhse a shonraítear san fho-alt sin agus, ar iarratas a dhéanamh, déanfar é nó í a chlárú. Dá réir sin, fostaíodh daoine a claraíodh faoin dá alt seo den acht mar mhúinteoirí roimh 28 Márta 2006 agus chuir siad isteach ar an gclárúchán roimh 28 Márta 2007.

Seo mar atá in Ailt 31(5) den Acht um Chomhairle Mhúinteoireachta, 2001: 

(5) Féadfaidh an Chomhairle rialacháin a dhéanamh chun daoine, seachas na daoine sin dá dtagraítear i bhfo-alt (2) , a chlárú faoin alt seo, agus déanfar foráil leo maidir le gach ceann nó aon cheann de na nithe seo a leanas, ach ní gá go mbeidh siad teoranta dóibh:
 
(a) an fhoirm agus an modh ina ndéanfar iarratas ar chlárú;
 
(b ) an fhianaise dhoiciméadach agus an fhianaise eile a bheidh ag gabháil le hiarratas ar chlárú;
 
(c) na coinníollacha chun múinteoir a chur ar an gclár, ar coinníollacha iad a bhféadfaidh na nithe seo a leanas a bheith ar áireamh iontu, ach nach gá iad a bheith teoranta dóibh:
 
(i) cáilíochtaí;
(ii) taithí mhúinteoireachta;
(iii) feidhmiúlacht ó thaobh sláinte de;
(iv) fianaise i dtaobh carachtair,

Dá bhrí sin, ní mór do dhaoine a claraíodh faoi alt 31(5) iarratas a bheith curtha isteach acu ar an gclárúchán de réir riachtanas na Comhairle, agus an fhianaise dhoiciméadach is gá a sholáthar mar aon leis na coinníollacha a bhíonn leagtha síos ag an gComhairle don cheadú ar an gclár.

Bheadh múinteoirí a meastar go sásaíonn a gcáilíochtaí na riachtanais don rannóg oideachais seo aitheanta roimhe seo de réir cheann de na himlitreacha seo a leanas de chuid na Roinne Oideachais agus Eolaíochta:

• Imlitir 32/92
• Imlitir 44/00
• Imlitir 04/04.
  

Tugtar teastas clárúcháin don mhúinteoir nuair a shásaítear na riachtanais uile go hiomlán. Deimhníonn an teastas gur ceadaíodh an múinteoir ar Chlár na Múinteoirí. Luaitear i mbuntásc an teastais gur chóir d’fhostóirí tagairt a dhéanamh do ghréasan idirlín na Comhairle Múinteoireachta chun stádas reatha an mhúinteora a dheimhniú.

Tugann an saoráid Cuardaigh an Clár áis ar stádas fíor-ama an mhúinteora a aimsiú. Más mian le fostóir a sheiceáil go bhfuil múinteoir cláraithe faoi láthair is féidir leis an bhfostóir uimhir chláraithe an mhúinteora a chur isteach sa chóras. Má thagann taifead cláraithe ar ais ón saoráid, bíonn an múinteoir leis an uimhir chláraithe sin cláraithe ag an am.