Le linn na scoilbhliana 2015/2016 beidh an Chomhairle Mhúinteoireachta ag taisteal ar fud na tíre chun bualadh le múinteoirí agus leis an bpobal ag sraith de chruinnithe oscailte. Beidh na cruinnithe ar siúl i mBaile Átha Luain, Corcaigh, Dún na nGall, Baile Átha Cliath agus Luimneach.
Tabharfaidh na cruinnithe seo an deis don lucht féachana eolas a fháil faoi obair na Comhairle chun na caighdeáin ghairmiúla sa mhúinteoireacht a chur chun cinn, agus a gcuid tuairimí a chomhroinnt. I measc na n-ábhar a phléifear beidh Feidhmiúlacht chun Múineadh, Grinnfhiosrú an Gharda Síochána, FGL, Droichead, na coinníollacha clárúcháin a chomhlíonadh agus an toghchán chuig an gComhairle Mhúinteoireachta.
Beidh na cruinnithe ar siúl:
- Dé Céadaoin, 14 Deireadh Fómhair san Óstán Radisson Blu i mBaile Átha Luain. Cliceáil anseo chun clárú do Bhaile Átha Luain
- Dé Céadaoin, 21 Deireadh Fómhair san Óstán Rochestown Park, Dúglas, Co. Chorcaí. Cliceáil anseo chun clárú do Chorcaigh
- Dé Céadaoin, 4 Samhain san Óstán Millpark, Dún na nGall. Cliceáil anseo chun clárú do Dhún na nGall
- Dé Céadaoin, 11 Samhain san Óstán Clarion, Gleann na Life, Baile Átha Cliath. Cliceáil anseo chun clárú do Bhaile Átha Cliath
- Dé Céadaoin, 18 Samhain san Óstán Castletroy Park, Luimneach. Cliceáil anseo chun clárú do Luimneach
