Is creat comhtháite ionduchtaithe é Droichead do mhúinteoirí nuacháilithe (MNCanna). Tá sé ceaptha leis an tábhacht atá leis an gcéim ionduchtaithe ar aistear foghlama an mhúinteora ar feadh an tsaoil a léiriú. Is é an pointe ina gcuirtear fáilte go foirmiúil roimh an múinteoir nua i ngairm na múinteoireachta. agus an chéim oiliúna tosaigh múinteoirí déanta acu.

Áirítear le Droichead idir ghníomhaíochtaí scoilbhunaithe agus ghníomhaíochtaí foghlama gairmiúla chun freastal ar riachtanais mhúinteoirí agus tús á chur acu lena ngairm. Cuirtear ar fáil é i mbunscoileanna, in iar-bhunscoileanna, i scoileanna speisialta agus in Ionaid Oideachais ina bhfuil ábhar (ábhair) de chuid churaclam na hiar-bhunscoile á m(h)úineadh, sa chás ina bhfuil scoileanna nó ionaid den chineál sin cláraithe ag an gClár Náisiúnta Ionduchtaithe do Mhúinteoirí (CNIM) mar rannpháirtithe sa phróiseas Droichead.

Is é príomhchuspóir an phróisis Droichead tacú le foghlaim ghairmiúil MNCanna sa chéim ionduchtaithe, agus ar an gcaoi sin na bunchlocha a leagan d’fhás agus foghlaim ghairmiúil don chéad chéim eile dá ngairm.

D'fhonn an choinníoll Droichead a chomhlíonadh, tá sé de cheangal ar mhúinteoir:

a) Tréimhse de chleachtas gairmiúil a dhéanamh i suíomh incháilithe

b) Gabháil don phróiseas Droichead, a áiríonn teaglaim de ghníomhaíochtaí ionduchtaithe scoilbhunaithe agus gníomhaíochtaí foghlama gairmiúla breise araon

c) Go ndéanfar moladh ina leith ag comhghairmeior(í) le taithí, i ndiaidh an phróisis Droichead, go bhfuil said réidh le gluaiseacht ar aghaidh chuig an gcéad chéim eile i gcontanam an oideachais múinteoirí.

Nuair atá Droichead déanta in earnáil amháin ní gá é a athdhéanamh sa dara hearnáil do chúiseanna clárúcháin. Is dócha go mbeadh rannpháirtíocht in Droichead sa dara hearnáil ina eispéireas foghlama luachmhar do mhúinteoirí atá ag gabháil don aistriú ó earnáil amháin go hearnáil eile, ach ní ceanglas é de chuid na Comhairle.