Is féidir le múinteoir bunscoile atá cláraithe de réir choinníollacha na Comhairle Múinteoireachta agus go mbaineann na coinníollacha atá fágtha le promhadh agus ionduchtú, tús a chur leis an bpróiseas promhaidh. Ní mór dó nó di é sin a dhéanamh i bpost teagaisc atá aitheanta ag an Roinn Oideachais agus Scileanna.

Ba chóir na hiarratais le tabhairt faoin bpróiseas promhaidh agus fiosruithe gaolmhara eile a dhéanamh chuig Ionad Oideachais Luimnigh ag www.lec.ie. Tabhair faoi deara nach féidir tús a chur leis an bpromhadh ach amháin nuair atá na coinníollacha easnaimh cáilíochta eile agus Riachtanas na Gaeilge (más bainteach) comhlíonta. 

Ní mór na hiarratais a dhéanamh a luaithe is a thosaíonn an múinteoir a sheirbhís nó a seirbhís i bpost atá aitheanta chun críocha promhaidh. Ní ghlacann an Chomhairle Mhúinteoireachta iarratais do chuairteanna cigireachta.

Má tá ceist ar bith agat maidir leis an bpróiséas promhaidh, is féidir teagmháil a dhéanamh le hIonad Oideachais Luimnigh. Teil: 061 585 060 nó ríomhphost a sheoladh chuig: probation@lec.ie.

Tá na riachtanais leagtha amach ina n-iomláine i ndoiciméad na Comhairle Nósanna Imeachta le hAghaidh Ionduchtúcháin agus Nósanna Imeachta agus Critéir le haghaidh Promhaidh 2015/2016

De ghnáth éilítear ar mhúinteoir an tréimhse promhaidh a chur i gcrích laistigh de thrí bliana ón chéad dáta clárúcháin.

Mura gcomhlíontar na coinníollacha laistigh den tréimhse ama shonraithe d’fhéadfadh clárú an mhúinteora dul i léig

• I gcás na múinteoirí a chláraigh i ndiaidh an 01/09/2010, agus coinníollacha eile cláraithe i gceist, mar shampla, coinníollacha a bhaineann le heasnaimh cáiliochtaí nó Riachtanas na Gaeilge, is gá go mbeidh an coinníoll promhaidh curtha i gcrích laistigh de thrí bliana i ndiaidh an dáta ina bhfuil gach coinníoll neamhphromhaidh comhlíonta, i.e. tá dhá thréimhse leanúnach ceadaithe. 

• Múinteoirí a chláraigh roimh an 01/09/2010 agus a bhí fostaithe i bpoist a bhí aitheanta chun críocha promhaidh, agus nár imigh a thréimhse nó a tréimhse promhaidh as feidhm faoin dáta sin, beidh go dtí an 31 Lúnasa 2015 aige nó aici chun an riachtanas promhaidh a chur i gcrích.

Mura bhfuil múinteoir cláraithe in ann na riachtanais coinníollacha clárúcháin a chur i gcrích laistigh den tréimhse ama áirithe, féadfaidh sé nó sí iarratas a dhéanamh chuig an gComhairle le síneadh ama a fháil. Ní mór an t-iarratas seo a dhéanamh sa bhliain ina bhfuil an tréimhse ama áirithe le dul in éag. Ní mór don mhúinteoir achoimre a thabhairt ar na deacrachtaí agus/nó na himthosca maolaitheacha atá ann a chuireann cosc air nó uirthi na bearta riachtanacha a bhaint amach laistigh den tréimhse ama atá sonraithe. Déanfaidh an Chomhairle breithniú ar a leithéid iarratas i gcomhthéacs an chineáil choinníoll chlárúcháin, an dul chun cinn atá déanta go dtí seo agus an obair atá fós le gur i gcrích. Déantar meastóireacht ar gach iarratas le síneadh ama a fháil ar a gcuid buanna féin. De ghnáth tugtar síneadh ama ar na cúiseanna seo a leanas:

• tinneas fada a chuireann bac ar an múinteoir ó bheith ag obair; nó tinneas tromchúiseach de dhlúthghaol a bhfuil an múinteoir ag gníomhú mar chúramóir dó nó di
• méala áit a bhfuair baill den teaghlaigh nó daoine cleithiúnacha bás
• bronnadh saoire mháithreachais, tuismitheora, uchtála nó neamhíoctha
• níor éirigh le múinteoir fostaíocht a fháil atá de dhíth le coinníoll a bhaint amach
• taisteal eachtranach fadtéarmach nó fostaíocht lasmuigh d’Éirinn

Féadfaidh an múinteoir iarratas a dhéanamh ar shíneadh ama tríd an bhFoirm Iarratais ar Shíneadh Ama EXT-01 a chomhlánú. Beidh gá le fianaise dhoiciméadach mar atá leagtha amach ar chúl na foirme. Déanfaidh an Stiúrthóir nó an duine atá ainmnithe aige nó aici breithniú ar an iarratas ar shíneadh ama. Má dhéantar iarratas a dhiúltú, is féidir le hiarratasóir achomharc a dhéanamh ar an gcinneadh. Déanfaidh Coiste Clárúcháin na Comhairle breithniú ar an achomharc seo.

Tagann an tréimhse promhaidh chun deiridh nuair atá an Chomhairle Mhúinteoireachta sásta go bhfuil an riachtanas seirbhíse agus an riachtanas cumais ghairmiúil comhlíonta go hiomlán. Cuirfidh an Chomhairle deimhniú ar fáil don mhúinteoir maidir lena chlárú nó a clárú coinníollach nó iomlán mar mhúinteoir.

Mura gcomhlíontar na coinníollacha clárúcháin i gceart agus laistigh den tréimhse ama shonraithe d’fhéadfadh clárú an mhúinteora dul i léig agus beidh impleachtaí suntasacha aige seo ó thaobh é nó í a bheith incháilithe le bheith fostaithe i scoil.

A luaithe is atá an dá riachtanas don phromhadh comhlíonta ag múinteoir, ní mór dó nó di Foirm C chomhlánaithe a chur isteach ina bhfuil ráiteas Cigireachta ó Ionad Oideachais Luimnigh (LEC).