PROMHADH DO MHÚINTEOIRÍ BUNSCOILE (Montessori agus catagóirí eile san áireamh)
Éilíonn an Chomhairle Mhúinteoireachta go gcomhlánfaidh gach múinteoir bunscoile tréimhse promhaidh ionas gur féidir leo clárú iomlán (clárú gan coinníollacha) a bhaint amach.
Sa tréimhse go dtí 2012 nuair a chuirfear tús leis na próisis promhaidh agus ionduchtaithe go díreach faoi choimirce na Comhairle Comhairle Múinteoireachta, tá leasú déanta ar phróiseas promhaidh na cigireachta, a bhí ag feidhmiú ag an gCigireacht i mbunscoileanna go dtí seo, i ngeall ar an soláthar ar
Chlár Ionduchtaithe Náisiúnta do Mhúinteoirí.
Tá cur síos in Imlitir na Roinne Oideachais agus Scileanna 0058/2010, a foilsíodh i Mí Mheán Fómhair 2010, ar na socruithe leasaithe don phromhadh i leith an chláraithe mar mhúinteoir bunscoile leis an gComhairle Mhúinteoireachta.
I gcomhthéacs an chláraithe leis an gComhairle Mhúinteoireachta, leanfaidh Cigireacht na Roinne Oideachais agus Scileanna ar mheastóireacht a dhéanamh ar inniúlacht ghairmiúil múinteoirí chun eolas a sholáthar do chinntí na Comhairle Múinteoireachta maidir le coinníoll an phromhaidh a bhaint ó chlárú bunmhúinteoirí.
Promhadh do bhunmhúinteoirí atá nuacháilithe in Éirinn
Chun lánchlárú a bhaint amach, caithfidh gach bunmhúinteoir nuacháilithe a cháiligh sa Stát tréimhse promhaidh a chomhlánú. Déantar lánchlárú a dheimhniú nuair a chuireann múinteoir in iúl don Chomhairle Mhúinteoireachta go mbíonn próiseas an phromhaidh comhlánaithe go sásúil.
Tá cur síos iomlán ar an bpróiseas promhaidh in Imlitir 0058/2010 ón Roinn Oideachais agus Scileanna. Clúdaíonn an próiseas íosmhéid riachtanas seirbhíse teagaisc (170 lá) agus cuairteanna ócáidiúla ó Chigire ón Roinn Oideachais agus Scileanna, a ullmhóidh tuairisc ar oiriúnacht an mhúinteora.
Caithfidh múinteoirí a thosaigh sa tseirbhís ar nó i ndiaidh Meán Fómhair 2010 a chur in iúl don Chomhairle Mhúinteoireachta nuair a bhíonn an Tréimhse Promhaidh comhlánaithe go sásúil acu trí Fhoirm C a chur isteach.
Gliogáil anseo chun íoslódáil a dhéanamh ar Fhoirm C.
Promhadh do mhúinteoirí a cháiligh lasmuigh d’Éireann
Ba chóir do dhaoine a bheidh ag tosú ar chlár oideachas tosaigh muinteoirí lasmuigh d’Éireann ach laistigh den AE/LEE ó 1 Eanáir 2011 an nóta tábhachtach seo a léamh.
Faoi láthair, caithfidh gach múinteoir a cháiligh lasmuigh d’Éireann, agus ar mian leo lánchlárú a fháil leis an gComhairle Mhúinteoireachta, tréimhse promhaidh a chomhlánú. Beidh eisceacht i gceist d’iarratasóir don chlárú a mbíonn tréimhse ionduchtaithe/promhaidh comhlíonta aige/aici sa Stát inar cháiligh sé/sí. Beidh ar a leithéid d’iarratasóir fianaise a sholáthar don Chomhairle maidir le tréimhse shásúil ionduchtaithe /promhaidh a chomhlánú thar lear. Ní féidir tús a chur leis an dtréimhse promhaidh ach nuair a bhíonn coinníollacha uile eile an chláraithe comhlíonta, mar shampla Riachtanas na Gaeilge (
féach Clárúchán le Coinníollacha).
Fógra Tábhachtach do dhaoine a bheidh ag tosú in oideachas tosaigh múinteoirí lasmuigh d’Éireann agus laistigh den LEE ó 1 Eanáir 2011 Nósanna imeachta leasaithe do chlárú múinteoirí faoi Threoir na Comhairle 2005/36/AE (Tíortha LEE) in Éirinn Ó 1 Eanáir 2011, beidh ar dhaoine a bheidh ag tosú ar chlár oideachas tosaigh múinteoirí lasmuigh d’Éireann agus ar mian leo clárú leis an gComhairle Mhúinteoireachta faoi na cearta soghluaiseachta (d’oibrithe) i dTreoir na Comhairle 2005/36/AE (Tíortha LEE ), lánchlárú a bheith acu ón tír inar chríochnaigh siad an t-oideachas tosaigh múinteorí. D’fhéadfadh go gclúdódh lánchlárú tréimhse ionduchtaithe agus/nó promhaidh sa tír sin. I ndáiríre, má bhíonn promhadh/ionduchtú mar riachtanas chun lánchlárú a fháil sa Stát sin, ní éireoidh le múinteoir cearta soghluaiseachta a fháil faoi théarmaí na Treorach go dtí go ndéantar an riachtanas sin a shásamh. Go hiondúil, beidh díolúine ag a leithéid de mhúinteoir ón tréimhse promhaidh in Éirinn. Ó Mheán Fómhair 2010, tá An Chomhairle Mhúinteoireachta anois mar an comhlacht a dhéanann iarratais do dhíolúintí ón bpromhadh a phróiseáil. |
- Cáilitheacht
- Iarratas ar phromhadh
- Riachtanais don phromhadh
- Conas an promhadh mar choinníoll cláraithe a bhaint