|
|
 |
A Mhúinteoir, a chara,
Toisc chomh maith is a d’éirigh lenár seimineár gréasáin le deireanas, táimid ag freagairt ar iarratais le haghaidh tacaíocht bhreise don mhúinteoireacht agus foghlaim ar líne. Chuireamar an ríomhiris seo le chéile sa chomhthéacs sin, agus béim ar chuid den taighde is déanaí. |
| Taighde |
- Díríonn an staidéar seo ar Dhearcadh na Scoláirí iar-Bhunscoile ar an Múineadh agus ar chúrsaí Foghlama nuair atá na scoileanna dúnta le linn Covid-19. Rinne duine d’údair an taighde achoimre ar na torthaí, i bhfoirm cúig leid chuiditheacha:
- Bíodh folláine na scoláirí & na foirne ina tosaíocht: An nasc ar dtús, ábhar ansin; Seiceáil isteach leis na scoláirí agus le do chomhghleacaithe
- Cur chuige scoile uile: Bhí níos mó rannpháirtíochta ó scoláirí agus níos mó den chomhoibriú ó mhúinteoirí sna scoileanna ina raibh cur chuige scoile uile in úsáid.
- Idirghníomhú sóisialta: Is féidir aiseolas ó phiaraí, tionscadail ghrúpa agus cineálacha comhoibrithe a chuirtear san áireamh sa seomra ranga gach lá a chur in oiriúint don fhoghlaim ar líne freisin. Bí cruthaitheach agus téigh sa seans.
- Aiseolas ón múinteoir: Déanann aiseolas ón múinteoir an-difríocht go deo do na scoláirí. Cuidíonn sé leo feabhsú, spreagann sé iad chun leanúint den rannpháirtíocht agus treisíonn sé ar an gcaidreamh idir scoláirí agus múinteoirí.
- Ceachtanna beo nó taifeadta: Bain úsáid as ceachtanna beo nó taifeadta chun ardleibhéal rannpháirtíochta a choinneáil beo i measc na scoláirí agus chun coinneáil i dteagmháil go sóisialta.
Tá ionad taighde agus nuálaíochta atá bunaithe i gColáiste na Tríonóide, Baile Átha Cliath ar a dtugtar Learnovate, agus d’ullmhaigh siad treoir thrípháirteach chun tacú le múinteoirí iar-Bhunscoile ina gcuid ullmhucháin don mhúinteoireacht agus don fhoghlaim ar líne agus chumaisc.
|
|
- Cliceáil anseo le do thoil chun rochtain a fháil ar thorthaí taighde neamhspleách ar thionchar na paindéime ar mhúineadh agus ar fhoghlaim na heolaíochta i mbunscoileanna agus in iar-Bhunscoileanna na hÉireann. Tugann na múinteoirí sa staidéar sin cur síos ar na dúshláin agus na gnéithe dearfa a bhíonn rompu agus iad ag múineadh, ag foghlaim agus ag déanamh éascaíochta ar ghníomhartha praiticiúla le linn na scoileanna a bheith dúnta de bharr COVID-19. Mar chuid de Chéim II den taighde, a dhíríonn ar an tréimhse Meán Fómhair go Nollaig 2020, rinneadh an dara suirbhé a dháileadh ar na bunscoileanna agus ar na hiar-Bhunscoileanna uile. Cliceáil anseo i gcomhair nasc chuig suirbhé Chéim II.
|
- Díríonn an staidéar náisiúnta seo ar phríomhoidí mar bhainisteoirí agus mar cheannairí na bpobal scoile agus ar an soláthar oideachais dhigitigh ar leibhéal na bunscoile le linn na dianghlasála. Tá Roinn 4.4 dar teideal “Online Teaching Adoption” agus Roinn 5.4 “Drivers of Online Learning Effectiveness” thar a bheith ábhartha do théama na ríomhirise seo.
|
|
|
- Díríonn an staidéar seo ón ESRI ar impleachtaí Phaindéim Covid-19 do chúrsaí Polasaí maidir le Leanaí agus Páistí Óga. I Roinn 3.2.5, maidir le naisc idir an Baile agus an Scoil, tugtar achoimre ar thaighde a rinneadh le deireanas ar eispéireas na múinteoireachta agus na foghlama ar líne in Éirinn agus go hidirnáisiúnta. Gheofar an Achoimre Feidhmiúcháin anseo.
Tá súil againn go mbeidh torthaí na staidéar sin léirsteanach agus ábhartha duit. |
|
| Leabharlann ar Líne |
Cuireann an Chomhairle Mhúinteoireachta rochtain saor in aisce ar fáil do mhúinteoirí cláraithe ar leabharlann ar líne ina bhfuil irisleabhair agus ríomhleabhair. Chun rochtain a fháil ar na ríomhleabhair, ní miste logáil isteach tríd an nasc anseo, leis an ainm úsáideora agus leis an bpasfhocal a úsáideann tú chun breathnú ar do shonraí clárúcháin. Cliceáil ansin ar an mbosca dearg ‘Rochtain ar Irisleabhair Oideachais’.
Tá na hailt agus na ríomhleabhair uile atá luaite anseo ar fáil saor in aisce do mhúinteoirí cláraithe trínár leabharlann ar líne, agus tá naisc tugtha chuig téacs iomlán.
|
|
|
|
|
 |
| The Four Commonplaces: Teaching and Learning in the time of Covid le Lea Bertacco (Modern English Teacher, Jul2020, Vol. 29 Issue 3, p16-20, 5p) |
|
Teaching, Learning and Caring in the Post-Covid Era by Barnett Berry
(Phi Delta Kappan, Sep2020, Vol. 102 Issue 1, p14-17, 4p) |
|
Le gach dea-mhéin,
An Chomhairle Mhúinteoireachta |
|
|
|
|