Tá tús curtha le bunachar sonraí clárúcháin feabhsaithe ar líne ag an gComhairle Mhúinteoireachta a thugann rochtain duit cuid mhór de do riachtanais chlárúcháin a dhéanamh trí do chuntas MoChlárú ar líne.
Cuimsíonn na seirbhísí seo *athnuachan ar chlárú, grinnfhiosrúchán, sonraí pearsanta a athrú agus rochtain éasca ar do Dheimhniú Clárúcháin.
Chun rochtain a dhéanamh ar an seirbhísí seo, ní mór duit do chuntas tairsí nua MoChlárú a ghníomhachtú.
*Is seirbhís ar líne anois í an Athnuachan, trí do chuntas MoChlárú ar líne, níl UAP (PIN) ag teastáil uait a thuilleadh chun athnuachan a dhéanamh. Ós rud é gur próiseas dearbhaithe é seo, ní dhéantar íocaíochtaí fóin a éascú a thuilleadh.
Múinteoir Cláraithe – ag teacht ar do chuntas Mo Chlárú den chéad uair
Más múinteoir cláraithe thú, beidh nasc uathúil eisithe chugat roimhe seo ar ríomhphost chun do chuntas a ghníomhachtú.
- Cliceáil ar an nasc sa ríomhphost
- Beidh d’ainm úsáideora curtha ann roimh ré (is é d’ainm úsáideora do sheoladh ríomhphoist ar do thaifead de chuid na Comhairle Múinteoireachta)
- Cruthaigh do phasfhocal
Tabhair faoi deara: Is gá go mbeadh 8 gcarachtar ar a laghad ag Pasfhocail. Is gá go mbeadh litir cás íochtair amháin, ceannlitir amháin, uimhir amháin agus carachtar speisialta (m.sh.* ! $) amháin ar a laghad ann.
*Más mian leat go ndéanfar an nasc seo a eisiúint arís, cuir ríomhphost chuig myreghelp@teachingcouncil.ie le do thoil.
Úsáideoir atá ag teacht ar ais/atá ann cheana féin
Má chruthaigh tú cuntas Mo Chlárúcheana féin, as sin amach, is féidir leat dul go dtí an leathanach logála isteach i Mo Chuntas ar shuíomh gréasáin na Comhairle Múinteoireachta, tá an nasc anseo, agus
- logáil isteach ag baint úsáid as d’ainm úsáideora (*seoladh ríomhphoist) agus do phasfhocal.
* Is é d’Ainm Úsáideora an seoladh ríomhphoist tosaigh a d’úsáid tú chun rochtain a fháil ar do chuntas. Má d’athraigh tú do ríomhphost ó cuireadh an chéad ghníomhachtú i bhfeidhm ní mór duit ríomhphost a chur chuig myreghelp@teachingcouncil.ie chun do sheoladh ríomhphoist a nuashonrú agus athshocróimid do chuntas tairsí.
Más gá duit do Phasfhocal a Athshorcrú
- Ar an leathanach logála isteach, cliceáil ar an gcnaipe ‘Dearmad déanta agat ardo phasfhocal?
- Cuir isteach do sheoladh ríomhphoist sa bhosca “Dearmad déanta agat ar do Phasfhocal –Ainm Úsáideora”
- Roghnaigh “Seol Meabhrúchán Pasfhocail”
Ag glacadh leis go n-aimsítear pasfhocal a mheaitseálann é, gheobhaidh tú ríomhphost. Roghnaigh an nasc agus ligifidh sé seo duit do phasfhocal a athrú. Logáil isteach ag baint úsáid as do ríomhphost agus as pasfhocal nua.
Tabhair faoi deara: Is gá go mbeadh 8 gcarachtar ar a laghadag Pasfhocail. Is gá go mbeadh litir cás íochtair amháin, ceannlitir amháin, uimhir amháin agus carachtar speisialta (m.sh.* ! $) amháin ar a laghad ann.
Iarratas a dhéanamh ar Chlárú a Athnuachan
Tabhair do d’aire, má iarradh ort tabhairt faoi athghrinnfhiosrúchán agus/nó má tá coinníoll(acha) nach bhfuil curtha i gcrích agat ar do chálrú atá le dul in éag laistigh de na chéad shé (6) mhí eile, ní bheidh tú in ann do chlárú a athnuachan go dtí go dtugann tú faoi seo. Is féidir iarratais a dhéanamh ach logáil isteach ar “Mo Chlárú” agus “Mo Choinníollacha” agus/nó “Grinnfhiosrúchán” a roghnú.
Tá an leagan Gaeilge den tairseach clárúcháin ar líne á fhorbairt. Chun do chlárú a athnuachan, tá dhá rogha eatraimh agat:
A. Cuir isteach do chuid sonraí ar líne as Gaeilge ag baint úsáid as an leagan Béarla den phróiseas athnuachana; nó
B. Cliceáil anseo chun foirm athnuachana a íoslódáil.
A. Ag déanamh athnuachana ar líne
Tabhair faoi deara le do thoil gur próiseas ina bhfuil dhá chéim atá i gceist leis seo. Sa chéad chéim, is gá an fhoirm athnuachana a chomhlánú (féach 1-9 thíos) agus sa dara céim téann tú ar aghaidh go dtí íocaíocht na táille athnuachana, de réir chéim 10 thíos.
- Logáil isteach ar do chuntas Mo Chlárú.
- Roghnaigh an teideal “Déan Athnuachan ar Mo Chlárú”
- Cliceáil ar an gcnaipe gorm 'Déan Athnuachan Anois'
- Sa leathanach seo, beidh Sonraí Pearsanta, deimhnigh le do thoil go bhfuil an t-eolas i gceart.
Nóta Tábhachtach: Gach réimse a bhfuil * marcáilte leis, is gá iad seo a chomhlánú. Má tá aon chuid den eolas mícheart nó in easnamh, ní bheidh tú in ann dul ar aghaidh go dtí an íocaíocht. Léireoidh nóta i ndath dearg cé acu cuid den fhoirm ar gá duit breathnú uirthi, is féidir leat cliceáil a dhéanamh ar an táb iomchuí i.e., Sonraí Pearsanta, Seirbhís Teagaisc nó Dearbhuithe a thabharfaidh tú ar ais go dtí an chuid sin den fhoirm iarratais. - Cliceáil ar 'An Chéad Leathanach Eile' ag an mbun ardheis
- Leathanach 'Iarratais ar Athnuachan', tá sé tábhachtach sonraí fostaíochta reatha a thabhairt suas chun dáta i.e., deimhnigh na sonraí reatha atá ar an gClár nó cuir isteach fostaíocht nua.
- Cliceáil ar 'An Chéad Leathanach Eile' ag an mbun ardheis
- Dearbhuithe – ní mór na ceisteanna dearbhaithe uile a fhreagairt
- Cliceáil ar 'Cuir isteach'
- Beidh deimhniú ar taispeáint gur cuireadh isteach an t-iarratas agus is féidir leat dul ar aghaidh anois agus an táille athnuachana a íoc
- Beidh achoimre den ordú (i.e., suim na híocaíochta) ar taispeáint. Cliceáil ar deimhnigh
- Comhlánaigh an leathanach sonraí íocaíochta agus cliceáil ar ÍOC ANOIS
- Nuair atá an íocaíocht déanta taispeánfar an méid seo a leanas
'D’éirigh leat. Rinneadh d’ordú a phróiseáil i gceart.' - Eiseofar ríomhphost chuig do sheoladh ríomhphoist atá ar an gClár ina gcuirfear in iúl duit go ndearna tú do chlárú a athnuachan.
B. Íoslódáil foirmeacha athnuachana agus cuir iad isteach tríd an bpost. (Ar fáil ar bhonn eatramach go dtí go mbíonn forbairt déanta ar an rogha ar líne as Gaeilge)
- Téigh chuig suíomh gréasáin na Comhairle Múinteoireachta www.teachingcouncil.ie
- Roghnaigh an rogha Ghaeilge ar bharr an leathanaigh bhaile
- Roghnaigh 'Clárú a Athnuachan' faoi 'Clárúchán'.
- Cliceáil ar an nasc chun an fhoirm athnuachana a íoslódáil sa chuid maidir le 'Íocaíocht na Táille'.
- Ní mór an fhoirm seo a chomhlánú ina hiomláine, a shíniú, dáta a chur léi, agus a chur ar ais go dtí An Chomhairle Mhúinteoireachta, Bloc A, Campas Gnó Mhaigh Nuad, Maigh Nuad, Co. Chill Dara, W23 Y7X0 in éineacht le híocaíocht le seic/dréacht bainc nó ordú poist den tsuim de €65.00 atá iníoctha leis an gComhairle Mhúinteoireachta. Scríobh d’uimhir chlárúcháin ar chúl an tseic/an dréachta bhainc nó an ordaithe phoist, le do thoil.
Mura ndéantar í a chomhlánú i gceart, cuirfear an fhoirm ar ais dá bharr. Ní ghlacfar le híocaíocht gan an fhoirm seo agus cuirfear í ar ais. Gach réimse a bhfuil * marcáilte leis, is gá iad seo a chomhlánú.
