Cé is féidir iarratas a dhéanamh ar Scéim Sparánachtaí Féilte 2025?
Is féidir le haon mhúinteoir cláraithe iarratas a dhéanamh thar ceann scoil cheannais i bPoblacht na hÉireann. Mar sin féin, ní mór do phríomhoide na scoile ceannais an t-iarratas a thoiliú.
Cé mhéad ar féidir liom iarratas a dhéanamh air?
Féadfaidh iarratais lena mbaineann dhá scoil nó níos mó iarratas a dhéanamh ar €2,000.
Féadfaidh iarratais lena mbaineann trí scoil nó níos mó iarratas a dhéanamh ar €2,000 nó €5,000.
Cé a dhéanfaidh m’iarratas a scóráil?
Déanfaidh painéal neamhspleách, arna cheapadh ag Stiúrthóir na Comhairle Múinteoireachta, na hiarratais a scóráil.
Bronnadh Scéim Sparánachtaí Féilte orm in 2024. An féidir liom iarratas a dhéanamh arís?
Is féidir. Tá fáilte roimh fhaighteoirí Scéim Sparánachtaí Féilte 2024 iarratas a dhéanamh arís.
Cathain a dhúnfar iarratais?
Dúnfar iarratais an 31 Deireadh Fómhair 2025.
Cathain a bheidh toradh m’iarratais ar eolas agam?
Cuirfear in iúl do na hiarrthóirí trí ríomhphost i lár mhí Eanáir 2026.
Oibrím i scoil, ach ní múinteoir cláraithe mé. An féidir liom iarratas a dhéanamh ar Scéim Sparánachtaí Féilte?
Ní féidir. Ní mór duit a bheith i do mhúinteoir cláraithe chun iarratas a dhéanamh.
Tá mo scoil ina cuid de BOO. Conas a gheobhaidh mé an maoiniú?
Déanfar an sparánacht a íoc le cuntas bainc BOO.
Molaimid duit teagmháil a dhéanamh le do BOO roimh ré chun aistriú an mhaoinithe a eagrú agus chun an t-eolas is gá a chruinniú.
Cá háit ar féidir liom níos mó eolais a fháil faoi Scéim Sparánachtaí Féilte?
Is féidir leat níos mó eolais faoin Scéim Sparánachtaí Féilte a aimsiú i Mol Féilte 2025 agus ar ár meáin shóisialta. Má tá tuilleadh cuidithe de dhíth ort, is féidir leat teagmháil a dhéanamh linn ag feilte@teachingcouncil.ie.
Cá mhéad scoileanna is féidir comhoibriú ar aon iarratas amháin?
Is gá íosmhéid dhá scoil chomhoibrithe chun iarratas a dhéanamh ar €2,000 agus íosmhéid trí scoil chomhoibrithe chun iarratas a dhéanamh ar €5,000.
Níl aon teorainn ar an líon scoileanna comhoibrithe.
Tá iarratas déanta ag múinteoir eile thar ceann na scoile ceannais céanna. Cad a tharlaíonn sa chás sin?
Ní dhéanfadh an Chomhairle Mhúinteoireachta athbhreithniú ach ar an gcéad iarratas bailí.
An féidir le daltaí páirt a ghlacadh sa tionscadal a bhfuilim ag déanamh iarratais air?
Tá Sparánacht Féilte ceaptha chun foghlaim ghairmiúil múinteoirí a fheabhsú. Ní mór do na gníomhaíochtaí a roghnaítear díriú ar fhoghlaim ghairmiúil an mhúinteora, seachas ar thorthaí na ndaltaí.
Níor éirigh le m’iarratas. An féidir liom achomharc a dhéanamh?
Is féidir achomharc i scríbhinn a dhéanamh laistigh de 7 lá ó fháil an toraidh agus é a sheoladh chuig feilte@teachingcouncil.ie.
Tá mo thionscadail á maoiniú ag scéim sparánachtaí/deontas eile. An féidir liom iarratas a chur isteach ar Scéim Sparánachtaí Féilte?
Ní féidir le tionscadail á maoiniú ag scéim sparánachtaí/deontas eile maoiniú a fháil faoin Scéim Sparánachtaí Féilte.