Dhá chéim i ndáil le grinnfhiosrúchán
Tá próiseas iarratais dhá chéim i gceist le grinnfhiosrúchán. Déantar an dá chéim ar líne.
- Comhlánaítear Céim 1 trí do chuntas Mo Chlárú
- Cuirtear Céim 2 i gcrích trí thairseach ríomhghrinnfhiosrúcháin an Bhiúró Náisiúnta Grinnfhiosrúcháin
Céim 1
- Comhlánaigh céim 1 den iarratas grinnfhiosrúcháin ar líne trí do chuntas Mo Chlárú.
- Uaslódáil cruthúnas de cháipéisí aitheantais.
- Má bhí tú i do chónaí lasmuigh d’Éirinn nó de Thuaisceart Éireann ar feadh tréimhse charnach de 12 mhí nó níos mó tar éis 18 mbliana d’aois, beidh ort fótachóip a chur ar fáil de d’imréiteach póilíneachta do gach tír ina raibh tú i do chónaí.
Iarratas grinnfhiosrúcháin céim 1 a rianú leis an gComhairle Mhúinteoireachta?
Seiceáil stádas d’iarratas grinnfhiosrúcháin céim 1 trí do chuntas Mo Chlárú.
- Logáil isteach ar do chuntas Mo Chlárú.
- Nuair a bheidh tú logáilte isteach go rathúil ar do chuntas Mo Chlárú, cliceáil isteach sa tíl/íocón GRINNFHIOSRÚ ar an scáileán.
- Déan tagairt don mír ‘Iarratas Grinnfhiosrúcháin Reatha’.
Anseo is féidir leat stádas chéim 1 de d’iarratas ghrinnfhiosrúcháin a sheiceáil.
Céim 2 – Foirm maidir le tairseach ríomhghrinnfhiosrúcháin BNG
Seiceálann an Chomhairle Mhúinteoireachta d’iarratas agus cruthúnas de cháipéisí aitheantais agus cuireann siad d’iarratas isteach go dtí an Biúró Náisiúnta Grinnfhiosrúcháin.
- Gheobhaidh tú ríomhphost ón mBiúró Náisiúnta Grinnfhiosrúcháin le nasc díreach chuig an bhFoirm Iarratais ar Ghrinnfhiosrúchán ar líne.
- Ní mór duit an fhoirm a líonadh amach agus do sheoltaí go léir a chur san áireamh ó bhreith go dtí an lá atá inniu ann, lena n-áirítear gach seoladh thar lear ina raibh tú i do chónaí.
Léigh an t-eolas tábhachtach thíos, le do thoil.
Eolas Tábhachtach
- Léigh treoir d’úsáideoirí an Bhiúró Náisiúnta Grinnfhiosrúcháin sula gcomhlánaíonn tú an fhoirm ríomhghrinnfhiosrúcháin.
- Tá dhá cheist nua ar fhoirm thairseach ríomhghrinnfhiosrúcháin an Bhiúró Náisiúnta Grinnfhiosrúcháin:
- Cé is moite de Phoblacht na hÉireann, an raibh cónaí ort in aon bhallstát den Aontas Eorpach nó i Sasana, in Albain, sa Bhreatain Bheag nó i dTuaisceart Éireann?
Má d’fhreagair tú ‘Bhí’ ar an gceist sin, ní mór duit an seoladh/na seoltaí ina raibh cónaí ort i mballstát den Aontas Eorpach nó i Sasana, in Albain, sa Bhreatain Bheag nó i dTuaisceart Éireann a liostú.
Má d’fhreagair tú ‘Ní raibh’ ar an gceist sin, níor cheart duit aon seoladh a liostú ina raibh cónaí ort i mballstát den Aontas Eorpach nó i Sasana, in Albain, sa Bhreatain Bheag nó i dTuaisceart Éireann.
Diúltóidh an Biúró Náisiúnta Grinnfhiosrúcháin do d’iarratas má fhreagraíonn tú na ceisteanna seo go mícheart.
2. An mbaineann an ról seo le bheith ag obair le leanaí?
Ní mór duit an freagra ‘baineann’ a thabhairt ar an gceist sin.
Ós rud é go bhfuil iarratas á dhéanamh agat ar chlárú, ní mór duit iarratas a dhéanamh chuig an mBiúró Náisiúnta Grinnfhiosrúcháin (BNG) ar nochtadh grinnfhiosrúcháin. Má chuireann tú tic le ‘Ní bhaineann’ leis an gceist sin, diúltóidh an BNG do d’iarratas, agus ní féidir leat leanúint ar aghaidh le d’iarratas ar chlárú nó ar chlárú a athnuachan (ath-ghrinnfhiosrúchán).
- Má bhí tú i do chónaí i dTuaisceart Éireann, beidh ort postchóid iomlána (sé charachtar) a chur isteach do gach seoladh de chuid Thuaisceart Éireann ina raibh tú i do chónaí.
Amlíne
Beidh 30 lá agat chun an fhoirm a chríochnú ón dáta a fhaigheann tú í, ach iarraimid ort í a dhéanamh chomh luath agus is féidir.
Mura gcomhlánaíonn tú é laistigh den tréimhse 30 lá, rachaidh an nasc in éag. Má théann an nasc in éag, seol ríomhphost chuig vetting@teachingcouncil.ie le do thoil agus seolfaimid nasc nua chugat.
Tabhair faoi deara, le do thoil, go bhféadfaí moill a chur ar d’iarratas ar chlárú mura gcuimsíonn tú do sheoltaí go léir, lena n-áirítear seoltaí lasmuigh de Phoblacht na hÉireann agus iarratas ríomhghrinnfhiosrúcháin BNG á chomhlánú agat.
Grinnfhiosrúchán críochnaithe
Nuair a bheidh an grinnfhiosrúchán críochnaithe, gheobhaidh tú dhá ríomhphost.
- Beidh an chéad ríomhphost ón mBiúró Náisiúnta Grinnfhiosrúcháin ina gcuirfear in iúl duit gur eisíodh do nochtadh grinnfhiosrúcháin chuig an gComhairle Mhúinteoireachta.
- Beidh an dara ríomhphost ón gComhairle Mhúinteoireachta ina mbeidh nasc chuig do nochtadh grinnfhiosrúcháin.
Stádas Céim 2 grinnfhiosrúcháin a sheiceáil leis an mBiúró Náisiúnta Grinnfhiosrúcháin
Múinteoirí a rinne iarratas grinnfhiosrúcháin le deireanaí
Chun do stádas Grinnfhiosrúcháin a sheiceáil, logáil isteach ar shuíomh gréasáin an Bhiúró Náisiúnta Grinnfhiosrúcháin.
Beidh an uimhir iarratais grinnfhiosrúcháin nó an comhartha aitheantais iarratais a sheolamar trí ríomhphost chugat nuair a rinneamar seic ar d’iarratas ag teastáil uait.
Conas rochtain a fháil ar do nochtadh grinnfhiosrúcháin
Caithfidh tú na céimeanna seo a leanas a dhéanamh chun do nochtadh grinnfhiosrúcháin (toradh) a rochtain:
- Logáil isteach i do chuntas Mo Chlárú
- Cliceáil ar an gcloch ghrinnfhiosrúcháin
- Faoi rannóg Rochtain ar do Nochtadh Grinnfhiosrúcháin, cliceáil ar an gcnaipe, Mo Nochtadh
Tógfaidh sé seo thú go dtí do réimse Nochtadh Grinnfhiosrúcháin áit ar féidir leat do dhoiciméad nochtadh grinnfhiosrúcháin a fheiceáil agus a roinnt.
Conas nochtadh grinnfhiosrúcháin a roinnt le fostóir
Caithfidh tú na céimeanna seo a leanas a dhéanamh chun do nochtadh grinnfhiosrúcháin (toradh) a roinnt:
- Logáil isteach i do chuntas Mo Chlárú
- Cliceáil ar an gcloch ghrinnfhiosrúcháin
- Faoi rannóg Rochtain ar do Nochtadh Grinnfhiosrúcháin, cliceáil ar an gcnaipe, Mo Nochtadh
Tógfaidh sé seo tú go dtí do réimse Nochtadh Grinnfhiosrúcháin.
- Cliceáil ar an gcnaipe, Roinn Nochtadh
Tógfar tú go dtí foirm ar líne áit ar féidir leat seoladh ríomhphoist an duine nó na heagraíochta a theastaíonn uathu do nochtadh grinnfhiosrúcháin a fháil a chur isteach.