Dáta Foilsithe: Iúil 07, 2025
Maidir le múinteoir cláraithe, agus iad fostaithe mar Phríomhoide bunscoile:
- Le linn na tréimhse i mí Feabhra 2019 nó thart air sin go dtí an 25 Meitheamh 2019 nó thart air sin, gur theip orthu tuismitheoirí daltaí naoi mbliana d’aois a bhfuil Neamhord de chuid Speictream an Uathachais air/uirthi a chur ar an eolas:
a) gur tuairiscíodh é don Phríomhoide ó bhéal agus/nó i scríbhinn gur tharla teagmhas líomhainte an 5 Feabhra 2019 nó thart air sin, inar bhain múinteoir ranga cosantóirí cluas de dhalta gan aon rabhadh ná fógra, agus/nó gur bhéic sé/sí ar an dalta; agus/nó
b) go ndearna ball foirne gearán leis an bPríomhoide mar gheall ar an teagmhas dá dtagraítear dó ag (a) thuas.
Chinn an Painéal gur drochfheidhmíocht ghairmiúil í an líomhain chruthaithe thuas.
Rinne an Painéal cinntí freisin i ndáil le sáruithe ar an gCód Iompair Ghairmiúil do Mhúinteoirí 2ú heagrán nuashonraithe, 2016 (an “Cód”) mar a leanas:
- Is sárú í an líomhain ar alt 3.2 den Chód lena sonraítear gur cheart do mhúinteoirí “gach céim réasúnta a ghlacadh maidir le cúram daltaí/mac léinn atá faoina maoirseacht, chun a sábháilteacht agus a leas a chinntiú”
- Is sárú í an líomhain ar alt 3.5 den Chód lena sonraítear gur cheart do mhúinteoirí “tuairisciú a dhéanamh, más cuí, ar eachtraí nó ar chúrsaí a théann i bhfeidhm ar leas daltaí/mac léinn;
- Is sárú í an líomhain ar alt 3.6 den Chód lena sonraítear gur cheart do mhúinteoirí “cumarsáid éifeachtach a dhéanamh le daltaí/mic léinn, comhghleacaithe, tuismitheoirí, bainistíocht scoile agus le daoine eile i bpobal na scoile ar bhealach gairmiúil, comhoibríoch agus tacúil, agus atá bunaithe ar iontaoibh agus meas;
- Is sárú í an líomhain ar alt 4.8 den Chód lena sonraítear gur cheart do mhúinteoirí “gníomhú ar mhaithe le leas is fearr na ndaltaí/mac léinn”.
Tar éis an Fhiosrúcháin, chinn Painéal an Choiste Araíonachta smachtbhanna de rabhadh a fhorchur.