Riachtanais chláraithe
Tá dhá phríomhriachtanas ann maidir le clárú leis an gComhairle Mhúinteoireachta
- Cáilíochtaí
- Fianaise ar charachtar – grinnfhiosrúchán san áireamh (riachtanach)
Cáilithe i bPoblacht na hÉireann
- Má cháiligh tú i bPoblacht na hÉireann agus más céimí nua thú sa bhliain acadúil reatha, ba cheart duit iarratas a dhéanamh faoi phróiseas an Mhúinteora Nuacháilithe. Bíonn an próiseas seo ar oscailt i rith mhíonna an tsamhraidh agus dúnann sé ag deireadh mhí Mheán Fómhair gach bliain. Is féidir sonraí an phróisis seo a fháil ar ár leathanach clárú mear do Mhúinteoir Nua Cháilithe bunscoile agus iar-bhunscoile.
- Má cháiligh tú i bPoblacht na hÉireann agus mura céimí nua thú sa bhliain acadúil reatha / nó más Múinteoir Nua Cháilithe thú agus má tá tú ag clárú lasmuigh d’amlíne MNC clárú mear, ba cheart duit iarratas a dhéanamh mar seo a leanas.
Conas iarratas a dhéanamh
Déan iarratas ar chlárú ar líne ag baint úsáid as Mo Chlárú. Is féidir leat d’iarratas a shábháil agus filleadh air níos déanaí. Tá trí mhí agat ón dáta tosaigh chun d’iarratas a chríochnú agus a chur isteach.
Mura bhfuil d’iarratas críochnaithe tar éis trí mhí, scriosfar é.
Sula dtosaíonn tú iarratas ar líne, déan cinnte go bhfuil an t-eolas seo a leanas in aice láimhe agat le do thoil:
- Grianghraif nó scanadh do thuairisce acadúla. Seans go mbeidh do thuairisceoirí modúil ag teastáil uait freisin mura bhfuil na tuairiscí mionsonraithe go leor
- Grianghraif nó scanadh ar chruthúnas aitheantais agus cruthúnas ar sheoladh baile atá sásúil
- Sonraí teagmhála na fostaíochta
- Stair fostaíochta
- Foirm mheasúnaithe Dhaoine Cuí Ceart comhlánaithe
Tuilleadh eolais
Léigh ár nótaí Treorach maidir le clárú (PDF) sula dtosaíonn tú d’iarratas le do thoil.
Na cáilíochtaí a theastaíonn uait chun clárú mar mhúinteoir iar-bhunscoile
Chun a bheith i do mhúinteoir iar-bhunscoile i bPoblacht na hÉireann, ní mór duit na riachtanais seo a leanas a chomhlíonadh:
Bealach iontrála 1
- Céim Onóracha Baitsiléara (Leibhéal 8 ar an gCreat Náisiúnta Cáilíochta) nó a comhionann a bheith agat a shásaíonn na riachtanais d’ábhar curaclaim amháin ar a laghad ag am an iarratais, agus
- Cáilíocht san oideachas tosaigh múinteoirí a bheith agat atá ceadaithe ag an gComhairle Mhúinteoireachta agus atá dírithe ar an gcéad bhliain go dtí an séú bliain.
Bealach iontrála 2
- Cáilíocht céime chomhreathach in oideachas tosaigh múinteoirí iar-bhunscoile atá ceadaithe ag an gComhairle Mhúinteoireachta a bheith agat ina gcumasctar staidéar ar ábhar curaclaim amháin nó níos mó a shásaíonn na riachtanais d’ábhar curaclaim amháin ar a laghad le staidéar oideachais múinteoirí dírithe ar dhaltaí na chéad bhliana go daltaí an séú bliain.
Tá na riachtanais cháilíochta seo ag teacht le:
Riachtanais d'ábhair churaclaim iar-bhunscoile
Is féidir leat a fheiceáil cad iad na riachtanais do gach ábhar iar-bhunscoile: Riachtanais Ábhar Curaclaim (Iar-bhunscoil). Tá feidhm leis seo ón 1 Eanáir 2023.
Má tá iarratas á dhéanamh agat ar ábhair teanga curaclaim nó Gaeilge a mhúineadh, ní mór duit riachtanas an Eispéiris Tumoideachais (ETO) a shásamh.
Ábhar breise a chur leis
Déanann gach scoil cinneadh ar fhostaíocht laistigh de scoileanna chun ábhair a mhúineadh. Ní riachtanas clárúcháin é a bheith aitheanta le haghaidh ábhair bhreise.
Más mian leat, áfach, go gclárófaí ábhar breise curaclaim ar an gclár, ní mór duit a thaispeáint go gcomhlíonann tú na critéir don ábhar.
Chun eolas a fháil ar ábhar breise a chur le do chlárúchán, cliceáil ar an nasc seo a leanas – ag cur ábhar breise leis.