Bronnadh €5,000 ar Ag Foghlaim le Chéile Chorcaí, Bóthar Wellington, Cathair Chorcaí mar chuid de Scéim Sparánachtaí Féilte chun comhoibriú le DCU, agus cúig scoil*, chun líonra comhoibríoch de mhúinteoirí OSPS a chruthú. Is aidhm leis an tionscadal seo ná feasacht a mhéadú ar an tábhacht a bhaineann le cuir chuige scoile uile maidir le OSPS trí idirghabhálacha cruthaitheacha agus ealaíonbhunaithe, comhoibriú san earnáil tras-scoile a spreagadh idir oideoirí, daltaí, agus príomhpháirtithe leasmhara eile, amhail ceannairí oideachais múinteoirí agus eagraíochtaí náisiúnta a bhfuil ábharthacht straitéiseach ag baint leo.
*Liosta de na scoileanna atá ag tabhairt faoi chomhoibriú:
- Coláiste Pobail Larkin, Baile Átha Cliath
- Coláiste Doiminiceach, Baile Átha Cliath
- Coláiste An Droichid Nua, Co. Chill Dara
- Scoil Naomh Áine, Co. an Chláir
- Meánscoil Mhuire, Baile Átha Cliath
Machnamh na scoile
Tionscadal OSPS Le Chéile, urraithe ag Sparánacht FÉILTE
Bhí sé mar aidhm ag Tionscadal OSPS Le Chéile líonra comhoibríoch d’oideachasóirí OSPS trasearnálacha a bhunú agus a chothú, aontaithe ag misean comhroinnte chun cur chuige cruthaitheacha, uile-scoile i leith OSPS a chomhdhearadh, a sheachadadh agus a thaispeáint.
Bhí foireann an tionscadail comhdhéanta de mhúinteoirí iar-bhunscoile a bhí ag obair i réimse earnálacha, comhthéacsanna scoile agus suíomhanna geografacha. Mar chéimithe a chríochnaigh an Dioplóma Iarchéime DCU in OSPS le déanaí —an chéad sainchlár oideachais múinteoirí dá leithéid in Éirinn— léirigh an fhoireann tiomantas láidir d’fhoghlaim ghairmiúil leanúnach trí chomhoibriú, machnamh criticiúil, comhcheapadh agus comhroinnt cleachtais.
Tacaíodh leis an tionscnamh trí chomhpháirtíochtaí le hOllscoil Chathair Bhaile Átha Cliath agus le comhoibritheoirí ó earnáil na n-ealaíon.
Ba í an fhís a bhí mar bhonn agus taca ag Tionscadal OSPS Le Chéile ná deiseanna a chruthú do dhaoine óga teagmháil a dhéanamh le piaraí ó réimsí, cúlraí agus suíomhanna oideachais éagsúla. Lárnach don fhís seo bhí spreagadh agus méadú guth na ndaltaí. D’fhéach foireann an tionscadail le spás a chur ar fáil ina bhféadfadh daltaí a n-eispéiris mhaireachtála ar fhás aníos a chur in iúl agus machnamh a dhéanamh ar conas is féidir le OSPS tacú leo agus iad ag dul i ngleic leis na heispéiris sin.
Bhí ról lárnach ag an gcruthaitheacht i ndearadh agus i gcur i bhfeidhm an tionscadail araon, le béim ar leith ar a rannchuidiú leis an spás folláine.
Machnamh
Bhain múinteoirí a ghlac páirt sa tionscadal leas suntasach as comhoibriú laistigh de líonra náisiúnta d’’oideachasóirí OSPS. Thacaigh na modheolaíochtaí cruthaitheacha a úsáideadh le linn na ceardlainne le daltaí dul i ngleic le hábhair casta agus bríocha go hintleachtúil agus go mothúchánach araon, rud a chuir ar a gcumas iniúchadh a dhéanamh ar a réaltachtaí maireachtála. Thug an cur chuige seo léargais luachmhara maidir le pleanáil agus seachadadh clár OSPS ábhartha agus freagrúla i scoileanna.
Leag gné thras-scoile an tionscadail béim ar na buntáistí a bhaineann le pleanáil agus cur i bhfeidhm chomhoibríoch i gcomhthéacs OSPS. Thuairiscigh na daltaí gur bhain siad taitneamh as an deis teacht le chéile lena gcomhghleacaithe, agus d’éascaigh na gníomhaíochtaí cruthaitheacha idirphlé, nasc agus machnamh. Bhí guth na ndaltaí lárnach i ngach gné den tionscadal.
Chríochnaigh an tionscnamh le cleachtadh machnamhach inar scrúdaigh na daltaí na léargais agus na heispéiris a roinneadh le linn na ceardlainne. Mar thoradh ar an bpróiseas seo, cruthaíodh píosa comhchoiteann, Ár nGlao, ina gcuirtear eispéiris mhaireachtála daoine óga in iúl agus ina leagtar amach a n-uaillmhianta maidir le curaclam a thacaíonn lena bhforbairt iomlánaíoch agus lena dturas oideachais.