Foilsithe
Is cúis áthais don Comhairle Mhúinteoireachta a fhógairt go bhfuil dhá ábhar nua curtha leis na Riachtanais Ábhar Curaclaim (Iar-bhunscoil), agus go bhfuil soiléirithe déanta ar ábhair áirithe atá ann cheana féin, a thiocfaidh i bhfeidhm do dhaoine a dhéanann iarratas ar chlárú an 5 Eanáir 2026 nó dá éis.
Áirítear leis an dá ábhar nua:
- Gníomhú ar son na hAeráide agus Forbairt Inbhuanaithe, agus
- Léann na hAmharclannaíochta, na Scannánaíochta agus na Drámaíochta
Chomh maith leis na hábhair nua, rinneadh soiléirithe freisin ar na ceanglais maidir le hábhair an Chorpoideachais, na Polaitíochta agus na Sochaí, an Cheoil agus na hEalaíne. Léiríonn na soiléirithe seo tiomantas na Comhairle chun ardchaighdeáin a bhunú agus a chothabháil do mhúinteoirí in Éirinn agus ag an am céanna, léiríonn siad a cumas freagairt do riachtanais atá ag athrú sa chóras.
Leanann na riachtanais nuashonraithe seo athbhreithniú a rinne an Chomhairle Mhúinteoireachta in 2025, i ndiaidh comhairliúcháin le páirtithe leasmhara. Chuir an Chomhairle tús le hathbhreithniú iomlán ar a Riachtanais Ábhar Curaclaim in 2018. Foilsíodh na riachtanais nuashonraithe seo in 2020 agus tá siad i bhfeidhm ó Eanáir 2023 i leith iarratasóirí atá ag déanamh iarratais ar chlárú leis an gComhairle.
Mar rialtóir na gairme múinteoireachta in Éirinn, cinntíonn an Chomhairle go gcomhlíonann múinteoirí na riachtanais cháilíochta, na caighdeáin, na hinniúlachtaí agus carachtair is gá le haghaidh clárúcháin.